Roma kthehet te fitorja pas humbjes 2-0 ndaj Parmës. Verdhekuqtë kanë shkatërruar Brescian e Emanuele Ndoj, që zbriti titullar sot në fushën e blertë në "Olimpico". Mungonte Balotelli për skuadrën e "dallëndysheve", drejtuar nga Fabio Grosso (SuperMario ishte i pezulluar nga klubi për sjelljen e tij).

Pas një pjese të parë ku bardheblutë kanë rezituar, në 45' e dyta ka shpërthyer skuadra e Fonsecas që ka gjetur avantazhin me Smalling, i cili ka realizuar me kokë duke shkuar 2 gola deri tani dhe barazuar David Beckham në sezonin 2008-2009, që kishte qenë anglezi i fundit që kishte shënuar 2 gola në Serie A.

Më pas, Mancini dhe Dzeko i dhanë trisin Romës, teksa u anulua me të drejtë edhe goli i Zaniolos. Skuadra verdhekuqe fluturon në vend të katërt, ndërsa Lazio është e treta pas suksesit në fund ndaj Sassuolos, jashtë fushe. Ka qenë goli i Caicedos që ka vendosur, pasi Caputo i ishte përgjigjur golit të Immobiles, i pandalshëm golashënuesi më i mirë i Serie A (15 gola). Sakaq, ka fituar 1-0 edhe Verona e Kumbullës dhe Rrahmanit, edhe pse mbrojtësi i Shqipërisë mungoi.