Ylli i Juventusit, Cristiano Ronaldo, ka bërë të ditur se ëndrra e tij është ta fitojë për herë të gjashtë “Topin e Artë” për ta kaluar rivalin e tij, Lionel Messin. Portugezi mendon se ai e meriton ta fitojë këtë çmim këtë vit, për të tretën herë radhazi.

“E kam thënë këtë gjë qindra herë. Ta fitoj ‘Topin e Artë’ për të gjashtën herë nuk është një mani e imja dhe unë nuk do ta parafrazoja këtë pyetje kështu”, ka thënë Ronaldo.

“Unë thellë brenda vetes e di se jam një nga lojtarët më të mirë në histori të futbollit. Natyrisht, dua ta fitoj ‘Topin e Artë’ për herë të gjashtë. Do të ishte gënjeshtër nëse e them të kundërtën. Unë punoj për këtë gjë”.

“Mendoj se e meritoj ta fitoj këtë vit. Po, unë ëndërroj ta fitoj Topin e Artë për herë të gjashtë dhe të kaloj Lionel Messin”, përfundoi Ronaldo.