Portugalia ka shënuar fitore me rezultat 3 me 2 ndaj Armenisë duke u ngjitur në vendin e parë të Grupit I në kualifikimet për Euro 2016.

Armenia ka shënuar e para përmes Marcos Pizzellit në minutën e 14-të, ndërsa Ronaldo barazoi në minutën e 29-të nga penalltia.

Ronakdo shënoi edhe dy gola në pjesën e dytë, përkatësisht në minutat 55 dhe 58.

Në minutën e 62-të, Tiago u ndëshkua me kartonin e dytë të verdhë duke lënë portugezët me një lojtar më pak në fushë.

Në minutën e 72-të, Armenia ngushtoi diferencën përmes golit të Mkoyanit, por pa mundur të barazojnë.

Pas kësaj fitoreje, Portugalia renditet e para me 12 pikë dhe është dy pikë para Danimarkës dhe pesë pikë para Shqipërisë që janë në pozitën e dytë dhe të tretë. Serbia pas humbjes së sotme, mbetet në vetëm një pikë pas pesë ndeshjeve. Kombëtarja shqiptare ka një ndeshje më pak të zhvilluar. /albeu.com/