Sapo mbërrin në stadium, Kane: Jemi këtu për ta fituar Championsin
Harry Kane ka folur në prag të finales së Champions Leagues kundër Liverpooolit.

Sulmuesi i Tottenham Hotspurs, ka treguar se ka lënë pas dëmtimin dhe është gati për finalen e madhe.

Sulmuesi britanik shpreson që ekipi i tij është gati dhe do të hyjnë në ndeshje për të fituar trofeun e Ligës së Kampionëve.

"Nyja e këmbës është mirë. Kanë qenë shtatë apo tetë javë pune intensive, jam kthyer në stërvitje me ekipin", ka thënë fillimisht Kane për BT Sport.

"Gjysmëfinalja ishte një lojë e mahnitshme . Nuk mund të besoja se kjo ka ndodhur. U emocionova shumë që arritëm në finale. Doja të isha atje dhe t’i mbështesja ata dhe të jap përvojën time për këdo që e kishte nevojë".

"Është e mahnitshme që ne jemi këtu, por nuk mund të kemi një shans tjetër për të fituar trofeun e Ligës së Kampionëve, kështu që ne jemi këtu për të fituar ndeshjen", përfundoi Kane.

Në formacionet e publikuara Harry Kane do të luajë si titullar në finale përballë Liverpoolit.
Shtuar më 01/06/2019, ora 20:41
Shkruani komentin tuaj!
Të fundit nga kjo kategori