Trajneri italian i Chelseat, Maurizio Sarri, ka thënë se ai duhet të punojë më shumë për të përmirësuar mbrojtjen, nëse ata e kanë qëllim të arrijnë ta fitojnë ndonjë titull të rëndësishëm këtë sezon.

“Jam shumë i lumtur me rezultatet e lojtarëve të mi, por unë e di se duhet të përmirësohemi edhe më shumë. Ne kemi kualitet, aftësi teknike dhe duhet ta përmirësojmë fazën e mbrojtës, përndryshe nuk jemi mjaftueshëm të mirë”, ka thënë Sarri.

“Kur nuk e ke mbrojtjen e mire, nuk mund t’i arrish disa synime shumë të rëndësishme. Kur unë flas për fazën e mbrojtjes, nuk po flas vetëm për mbrojtësit por për të gjithë skuadrën sepse është e rëndësishme që ne të mbrohemi edhe në anën e kundërshtarit dhe ta mbajnë topin në atë anë të fushës”. /albeu.com/