Sassuolo fiton Trofeun Tim (VIDEO)
Sassuolo është fituesja surprizë e Tim Cup. Ekipi debutues i Serie A arriun të fitojë në stadiumin e saj turneun trekëndor me Milan dhe Juventus, në mënyrë surprizë falë fitores me kuqezinjtë në kohën e rregullt që i jep titullin pavarsisht humbjes me penallti me bardhezinjtë. Ndeshja më interesante e mbrëmjes ishte sigurisht ajo e para mes skuadrës së Allegrit dhe Juventusit të Contes, me këtë të fundit që provoi dhe dyshen Tevez-Llorente. Dy sulmuesit e rinj të bardhezinjve gjithsesi treguan pak gjëra në fushë duke mos qënë ende dhe në 100% të formës fizike. Rastin më të mirë madje e pati Robinho nga pika e bardhë por u ndal nga portieri Storari.

Takimi u vendos nga penalltitë ku deciziv rezultoi gabimi i Padoin me Milanin që fitoi 7-6, por me Nocerinon që bëri një figurë të shëmtuar kur provoi lugën në 11-metërshin e tij duke ngritur topin mbi traversë.

Në takimin e dytë u përballën Juventus dhe Sassuolo dhe goli sërish mungoi. Madje vendasit luajtën më mirë përballë bardhezinjve që çaluan disi, por në fund fituan nga pika e bardhë falë portierit të tyre të tretë Rubinho që priti goditjet e Berardit, Alexe dhe Terranovas.

Golat duket se ishin ruajtur për ndeshjen e fundit, ku Milan dhe Sasuolo zhvilluan një ndeshje më të këndshme se dy të parat. Petanja shënoi në minutën e 3-të për Milanin por Gaetano Masuci barazoi për Sasuolon në minutën e 12-të.

Episodi për tu veçuar gjithsesi është dalja nga fusha e Constant për kore raciste në minutën e 30-të. Lojtari zëvendësohet nga drejtuesit e klubit dhe ndeshja vazhdon duke dhuruar një tjetër surprizë golin e dytë të Sassuolos që i jep trofeun ekipit debutues të Serie A.

Të paktën këtë herë ligji i pashkruar i këtij kompeticioni se kush fiton kupën nuk fiton kampionatin është i sigurtë që do të përsëritet. /albeu.com/
Shtuar më 24/07/2013, ora 10:15
Shkruani komentin tuaj!
Të fundit nga kjo kategori