Humbja e thellë e pësuar nga Borussia Dortmund gjatë javës së kaluar duket se nuk ka kaluar pa pasojapër Schalke, të cilët sot u mposhtën 0:3 nga Augsburg.

Augsburg gjeten rrugën e golit qysh pas gjashtë minutave lojë në 'VELTINS-Arena', kur Eduard Loewen tundi rrjetën.

Goli i Loewen ishte ai që vendosi pjesën e parë të këtij takimi, kurse mysafirët patën diçka edhe për 45 minutëshin e dytë.

Në minutën e 76’ të takimit, N.Sarenren-Bazee shënoi edhe golin e dytë të Augsburg, për të shuar dilemën e fituesit, shkruan lajmi.net.

Rezultatin final 0:3 në këtë ndeshje e vendosi Sergio Cordova, me golin e shënuar në minutën e 91′, për goditjen finale të Schalke.

Me këtë fitore, Augsburg shkëputet nga fundi i tabelës, duke u ngritur tashmë në 30 pikë, për pozitën e 12-të në tabelë.

Schalke ndërkohë vazhdon të mbetet në kuotën e 37 pikëve, dhe aktualisht mbanë pozitën e tetë.