Shaqiri me shokë i japin fitoren Zvicrës përballë Islandës (VIDEO)
Pëlqej
Zvicra ka marrë një fitore të rëndësishme ndaj Islandës me rezultatin 1-2 në stadiumin "Laugardalsvöllur", e vlefshme për Ligën e Kombeve.

Zviceranët ishin më kërkuese në pjesën e parë, edhe pse nuk arritën të shënonin patën disa raste të mira por që nuk i shfrytëzuan si duhet.

Pjesa e dytë ishte shumë më e mirë për Zvicrën dhe të goli i parë arritën në minutën e 51’të, ku Granit Xhaka bëri një asist për Haris Seferovic që shënoi për golin e parë.

Shqiptarët ishin protagonistë edhe në golin e dytë të Zvicrës. Në minutën e 66', Shaqiri bëri një krosim për Lang, i cili shënoi golin e dytë.

Por Islanda pas shumë insistimeve arriti që të ngushtoi epërsinë në minutën e 80' me një gol të bukur nga Alfred Finnbogason. Islanda ishte shumë afër për ta barazuar rezultatin në minutat e fundit, sidomos në minutën e 85 ku mbrojtësit zviceran largojnë nga vija fatale e portës topin.

Me këtë fitore Zvicra arrinë në kuotën e gjashtë pikë nga 3 ndeshje të zhvilluar. /albeu.com/
Shtuar më 15/10/2018, ora 23:00
Shkruani komentin tuaj!
Të fundit nga kjo kategori