Shkëndija dhe Shkupi e kanë nisur me fitore gjysmësezonin pranveror në elitën e futbollit vendor.

Liderja e elitës fitoi transfertën në Kratovë përballë Sileksit me rezultat 2:1.

Autogoli i Draskoviqit dhe goli i Dorievit i sollën tetovarëve fitoren ndaj Sileksit, ndërsa për këta të fundit golin e realizoi Ivanovski.

Me fitore e ka nisur edhe Shkupi që triumfoi në transfertën përballë Borecit në Velës me golin e vetëm të përforcimit të ri, Matej Cvetanovskit.

Ndërkohë Renova e ka nisur me humbje, duke u mundur në Tetovë nga Bellasica me shifra 4:2, ndërsa Struga Trim Lum nuk shkoi më shumë se një barazim 1:1 me Makedonija Gjorçe Petrovin.

Me barazim 2:2 u mbyll edhe takimi i luajtur në kryeqytet ndërmjet Vardarit dhe Pelisterit.