Barcelona ka humbur në finalen e Superkupës së Spanjës kundër Athletic Bilbao me shifrat 2-3.

Një disfatë e tillë sigurisht që nuk është pritur mirë nga katalanasit por edhe nga vetë Leo Messi.

Kapiteni nuk mundi dot të tregonte sakrificën e një kapiteni të vërtetë, ndërsa nervat e argjentinasit u shfryn te kundërshtari Villalibre i cili goditi me shpullë në sekondat e fundit të shtesës.

Ky ishte kartoni i parë i kuq në karrierën e argjentinasit për gjest antisporti. Kartoni i parë i kuq daton me gushtin e largët të vitit 2005, kur goleadori i njohur debutonte me kombëtaren e Argjentinës.

Një gjest i dhunshëm është konsideruar në Spanjë veprimi i argjentinasit. Marca raporton se ylli argjentinas pritet të pezullohet me 4 ndeshje.