Kombëtarja jonë e futbollit duket edne shumë larg pjesëmarrjes në eventet ndërkombëtare si Kampionati Botëror apo Kampionati Europian. Por kjo nuk pengon që në "Euro 2012">2012" të luajë një shqiptar.

Futbollisti shqiptar nga Kosova, Emir Bajrami, është përfshirë në listën përfundimtare të Kombëtares suedeze për pjesëmarrje në kampionatin evropian që do të mbahet në Poloni e Ukrainë nga 8 qershori deri më 1 korrik.

Lajmi është bërë i ditur nga mediat suedeze, ndërkohë që seleksionuesi Erik Hamren ka arsyetuar përfshirjen e kosovarit në listën përfundimtare, megjithëse 24-vjeçari nuk pati një sezon të mirë në Hollandë me skuadrën e tij Twente.

Përzgjedhësi Hamren ka mbrojtur vendimin e tij për të përfshirë në listë mesfushorin Bajrami. Ai ka thënë se në "Euro 2012">2012" i duhen lojtarë kreativë dhe sipas tij Bajrami është një prej këtyre lojtarëve. /albeu.com/