PDIU braktis Edi Ramën
Simeone nuk i trembet Barcelonës, i bën presion hapur
Pëlqej
Stadiumi “Wanda Metropolitano” i Atletikos së Madridit do të presë sot Barcelonën.

Atletiko ka vendosur që të mos e shkurtojë barin, madje ta lërë atë shumë herë më të gjatë edhe sesa preferenca e tyre, në mënyrë që të frenojnë sa më shumë shpejtësinë e lëvizjes së topit në fushën e lojës. Diçka të tillë e kanë vërtetuar drejtuesit, stafi teknik dhe futbollistët kuqeblu, të cilët kanë protestuar në lidhje me këtë fakt, por të gjithë këto pakënaqësi as që janë marrë parasysh nga Atletiko, madje trajneri Diego Pablo Simeone del edhe në kundërsulm në konferencën për shtyp.

“Profesioni im është ai i trajnerit, jo i kopshtarit, apo korrësit të barit. Por kur shkon në shtëpinë e tjetrit, hahet dhe pihet me pecetë, pjatën dhe gotën e tjetrit. Prandaj, duke qenë se Barcelona bën vizitë në shtëpinë tonë, ajo do të hajë atë që ne vendosim t’i japim. Në shtëpinë time i vendos unë kushtet, asnjë tjetër, – shprehet Simeone, që për ta shtuar edhe më shumë dozën e polemikës, mundohet t’i thumbojë edhe më shumë rivalët e tyre.

"Edhe pse ka humbur Nejmarin, Barcelona mbetet një nga skuadrat më të mira në botë. Ndoshta sot, të vetmit superiorë kundrejt tyre janë ata të Realit të Madridit. Gjithsesi, ky fakt nuk na tremb, përkundrazi na motivon që t’i mundim. Këtë kemi ditur ta bëjmë në kampionat, por mos harrojmë që i kemi eliminuar edhe nga Liga e Kampioneve."

"Prandaj, Barcelona nuk na tremb aspak, edhe pse do ta kisha shmangur me kënaqësi të përballesha me një Lionel Mesi kaq të motivuar, pas tripletës me Argjentinën, e cila i dërgoi në Botëror” tha Simeone. /albeu.com/

Shtuar më 14/10/2017, ora 17:33

Shkruani komentin tuaj!
Të fundit nga kjo kategori