Trajneri i Atletico Madridit, Diego Simeone ka folur lidhur me situatën momentale të sulmuesit Luis Suarez.

Uruguaiani rezultoi pozitiv me COVID-19 dhe humbi ndeshjen ndaj ish klubit, Barcelona, ndërsa pavarësisht që ka kaluar dy javë vazhdon të rezultojë pozitiv në analizat e koronavirusit.

Tekniku argjentinas ka theksuar se nëse Suarez nesër rezulton negativ, atëherë do i lejohet të luajë, mirëpo nëse vazhdon të jetë pozitiv, atëherë do luajë të shtunën.

"Virusi është i çuditshëm. Nëse nesër del negativ, mund të jetë i gatshëm. Ai dëshiron t’i ndihmoj skuadrës".

"Ndihet mirë, dëshiron të jetë me skuadrën. Gjëja më e rëndësishme është shëndeti. Që të rikthehet njëjtë, të jetë negativ në rezultat. Nëse nuk luan nesër, do luajë të shtunën", deklaroi ai.

Suarez këtë edicion në La Liga ka realizuar pesë gola në gjashtë paraqitje.