Skandal te Brescia, presidenti i klubit vë me shpatulla për muri Emanuele Ndojin
Një skandal i vërtetë ka përfshirë skuadrën e Seria A dhe më konkretisht futbollistin e kombëtares shqiptare, Emanuele Ndoj. Edhe pse ishte një nga futbollistët kyç në rrugëtimin e Brescia drejt elitës së futbollit italian, mesfushori kuqezi ka marrë një kërcënim të hapur nga presidenti i klubit, Massimo Cellino.

Ai ka kërcënuar Ndoj si dhe dy futbollistë të tjerë se nëse nuk e ndryshojnë agjentin e tyre nuk do të jenë pjesë e skuadrës në sezonin e ri. Futbollistët, Ndoj, Alfredo Donnarumma dhe Bruno Martella përfaqësohen nga agjenti i njohur, Mario Giuffredi. “Mendja” e Elseid Hysaj ka reaguar, duke deklaruar:

“Më vjen keq. Cellino ka krijuar një situatë të vështirë. Djemtë kërkojnë që të mos qëndrojnë më në Brescia, pasi klima e krijuar nga Cellino është e keqe. Ne do të shikojmë për të ardhmen, por ajo që ndodh është me të vërtetë serioze. Çdo lojtar është i lirë që të zgjedh agjentët e tij dhe për këtë unë jam gjithmonë në dispozicion për të folur për klientët e mi. Nëse presidenti Cellino do të këmbëngulë në këtë qendrim, do të largohemi”-pohoi Giuffredi.
Shtuar më 15/06/2019, ora 09:44
Shkruani komentin tuaj!
Të fundit nga kjo kategori