Spaja konfirmon dëmtimin e Sergio Busquets, nuk dihet sa do të mungojë
Ka qenë një mbrëmje për t’u harruar ajo e djeshmja për Spanjën. Iberikët u ndalën nga Zvicra (1-1), në ndeshjen e vlefshme për fazën e grupeve në Ligën e Kombeve.

Një takim ku Sergio Ramos humbi dy penallti. Mirëpo sikur të mos mjaftonin këto, një tjetër Sergio duhet të përballet me një goditje të rëndë.

Kështu, Sergio Busquets, mesfushori i Barcelonës, është dëmtuar në gju. Lajmi është dhënë nga kombëtarja spanjolle përmes një njoftimirrjetet sociale. I zëvendësuar në minutën e 73-të, 32-vjeçari vuan nga një ndrydhje e lehtë e ligamentit të kolateralit të jashtëm të gjurit të majtë dhe do t’i nënshtrohet një skaneri në Sevilje gjatë ditës.

Shtuar më 15/11/2020, ora 15:28
Shkruani komentin tuaj!
Të fundit nga kjo kategori