Roberto Mancini apo Maximiliano Allegri? Është kjo dilema e drejtuesve të Federatës Italiane të Futbollit. Përtej Adriatikut çështja se cili do të jetë trajneri i ri i përfaqësueses Axurre është kthyer në një temë dite. Vendimi i Cesare Prandellit për të mos drejtuar 4-herë kampionët e Botës as në dy sfidat e muajit shtator përballë Holandës dhe Norvegjisë ka shtyrë drejtuesit e Federatës të gjejnë sa më shpejtë një emër të ri për stolin.

Në krye të listës qëndron Roberto Mancini madje mediat italiane aludojnë se emërimi ish trajnerit të Galatasaray-it në pankinën e përfaqësueses është vetëm çështje ditësh, shkruan Calciomercato.

49-vjeçari që momentalisht është i papunë është më se i gatshëm për t’u ulur në stolin e Italisë madje të drejtojë përfaqësuesen e kaltër do të ishte një nder për të.


Mancini që në vitet e fundit ka udhëhequr disa skuadra të mëdha në fitimin e trofeve shikohet nga drejtuesit e federatës si trajneri i duhur për të rikthyer Italinë te sukseset.

Megjithatë në këtë garë dyshe nuk mbetet pas as Max Allegri. Ish trajneri i Milanit edhe pse më pak fitues se Mancini është një opsion shumë i mirë për stolin të kaltërve.

Gjithsesi për të parë se kush do ta fitojë këtë betejë mes Mancinit dhe Allegrit që tifozët e shohin edhe si një derbi mes Interit dhe Milanit, duhet të presim edhe disa ditë. /albeu.com/