Suarez flet për episodin me Chiellinin: Pasi e kafshova atë, mendova se Barcelona do më refuzonte
Luis Suarez ka rrëfyer për gabimin që kishte bërë me kafshimin ndaj Georgio Chiellinit, ku mendoi se kishte mbaruar ëndrra e tij për të kaluar në Barcelonë.

Sulmuesi i Uruguait, Luis Suarez ishte përjashtuar nga Kupa e Botës 2014 dhe suspenduar me katër muaj mos lojë, pasi kafshoi Georgio Chiellini.

Ai tregon tmerrin që kishte përjetuar dhe frikën se Barcelona do të largonte interesimin për të.

“Sapo e bëra atë veprim, e kuptova gabimin. Golin e Godinit nuk e festova shumë sepse po mendoja për atë çfarë do të ndodhte më vonë. Kur më pyeti gruaja se çfarë kisha bërë, e mohova dhe qava. Ishte një moment shumë i dhimbshëm për mua”. tha Suarez.

“Mendova se nuk do të më plotësohej ëndrra. Por, pasi më përjashtuan nga Botërori, drejtuesit e Barçës më thanë që sërish më dëshironin në skuadër”. përfundoi goleadori katalanas. /albeu.com/
Shtuar më 15/01/2018, ora 19:45
Shkruani komentin tuaj!
Të fundit nga kjo kategori