U ndëshkua nga Federata Angleze e Futbollit (FA) me 10 ndeshje pezullim për shkak se kafshoi mbrojtësin serb të Chelsea Bratislav Ivanoviç në ndeshjen e fundjavës së shkuar Liverpool-Chelsea 2-2, por Luis Suarez nuk ka ndërmend ta apelojë vendimin.

"U kërkoj falje të gjithë tifozëve, mbështetësve të mi dhe Liverpool, por edhe Ivanoviç për atë që ndodhi. Nuk do e apeloj vendimin, pasi e meritoj të ndëshkohem për veprimin e palejuar. Dua që të bëhem një njeri më i mirë si brenda, ashtu edhe jashtë fushës. Do punoj shumë dhe do mundohem t’i evitoj në maksimum incidente të tilla, sepse nuk dua t’i shkaktoj më probleme klubit të Liverpool", tha Suarez.

Në fakt, mediat angleze kanë spekulluar se vendimi për të mos e apeluar pezullimin lidhet me një largim të mundshëm gjatë verës. /albeu.com/