Superkupa e Italisë, Juve-Lazio në fund të dhjetorit: Shtyhen 2 ndeshje të Serie A
Do të luhet në dhjetor Superkupa italiane, që do të shohë përballë Juventus e Lazio.

Një sfidë që duhet të shkaktojë shtyrjen e dy ndeshjeve (ato ku do të jenë të impenjuar bardhezinjtë e bardhekaltrit) të javës së 17 të Serie A.

Nuk është komunikuar ende data zyrtare e ndeshjes, në program për tu luajtur në Stadio Internazionale Re Fahd në Riad (Arabia Saudite), por me shumë mundësi do të luhet mes 20 e 22 dhjetorit.

Në këtë mënyrë, Superkupa do të bëjë të mundur shtyrjen e dy ndeshjeve të javës para Krishtlindjes, takimi i fundit përpara pauzës dimërore. Bëhet fjalë për Sampdoria-Juventus e Lazio-Verona, ndeshje që do të rikuperohen më pas në 2020.
Shtuar më 11/10/2019, ora 19:51
Shkruani komentin tuaj!
Të fundit nga kjo kategori