Talenti i Parmës fut në "luftë" Juventusin dhe Interin
Juventusi dhe Interi, rivalë jo vetëm në kampionat, por edhe në merkato.

Dy gjigantët e futbollit italian janë në garë për të arritur te kartoni i Dejan Kulusevskit, i cili këtë sezon po shkëlqen me fanellën e Parmës, ku luan i huazuar, pasi kartoni i tij zotërohet nga Atalanta.

Zikaltrit kanë kohë që interesohen për 19-vjeçarin, të cilin e kanë kërkuar edhe më parë.

Por nuk mbetet pas as “Zonja e Vjetër”, pasi drejtori sportiv, Paratici, ishte i pranishëm në stadium në sfidën Bologna-Parma, pikërisht për të vëzhguar nga afër futbollistin.

Parashikohet kështu një derbi i Italisë edhe në merkato, me Juventusin dhe Interin që do të bëjnë maksimumin për të arritur te lojtari që gjatë janarit.
Shtuar më 25/11/2019, ora 14:19
Shkruani komentin tuaj!
Të fundit nga kjo kategori