Tardelli: Italia mund të fitojë Botërorin
Marco Tardelli, kampion bote me Kombëtaren italiane në vitin 1982, mendon se të kaltrit kanë shanse të mira për të triumfuar në Kupën e Botës që po zhvillohet në Brazil që prej 12 Qershorit.

"Italia mund të fitojë Kupën e Botës, ose të paktën mund të renditet mes katër skuadrave më të mira të këtij kompeticioni. Prandelli ka gjetur ekuilibrat e ekipit dhe ndaj Anglisë rreshtoi në fushë një formacion shumë të mirë", është shprehur Tardelli.

Më pas ish-futbollisti i Juventusit ka theksuar: "Kundër Anglisë pamë një ndeshje të mirë, mbrojtja krijoi disa probleme, por janë të zgjidhshme. Balotelli? Luajti një ndeshje inteligjente, jam i bindur se Mario mund të japë edhe më shumë, pasi është lojtar i kompletuar". /albeu.com/



Shtuar më 17/06/2014, ora 19:15
Shkruani komentin tuaj!
Të fundit nga kjo kategori