Drejtori sportiv i Lazios, Igli Tare është ndër pikat kyçe të ekipit lacial në sukseset e tyre në vitet e fundit. Madje Tare ka marë edhe çmimin si “Drejtori Sportiv i Vitit” në kampionatin Italian ku ka lënë pas emra si Beppe Marotta. Shkruan Albeu.com

Natyrisht që strategjia e ndjekur prej tij ka pikë referimi dhe ajo është Juventusi.

“Modeli ynë është Juventusi: kush luan, edhe nëse ishte në stol ndeshjen e mëparshme, jep maksimumin. Gjithnjë. Për ne prioriteti mbetet kampionati, me Champions League si objektiv.

Do të jetë e vështirë, këtë vit Seria A është më e ekuilibruar, janë vetëm 4 pikë diferenca nga vendi i tretë deri te vendi 12. Lazio ka një pikë më pak nga sa duhej të kishte, me Napolin barazimi do ishte më i drejtë”, tha Igli Tare. /albeu.com/