Nëse kishte menduar t’i jepte lamtumirën karrierës ndërkombëtare pas vendimit për t’ia hequr shiritin e kapitenit për të dytën herë brenda 2 viteve, John Terry ka bërë një hap pas. Pjesë e këtij vendimi duket se ka qenë mbështetja e trajnerit Capello.

Një burim i afërt i mbrojtësit të Chelsea, tha për “The Sun” se Terry ishte prekur pasi federata “e shkurorëzoi” ende pa dhënë gjykata verdiktin e saj dhe kishte menduar të tërhiqej nga “Tre Luanët” përpara Evropianit.

“Është i zhgënjyer pamasë që humbi shiritin dhe mendoi tërheqjen. Po kur pa mbështetjen e hapur të trajnerit Capello, i cili doli edhe kundër FA-së, 31-vjeçari ndryshoi mendje”, – tha burimi. /albeu.com/