Skuadra e Tottenhamit nuk ka arritur të ndalë skuadrën e Chelseat e cila shënoi katër gola në derbin e sotëm kundrejt dy golave të shënuar nga djemtë e Vilas Boas, i cili kishte premtuar se do të hakmerrej kundër ish skuadrës së tij.


Chelsea ishte në epërsi me rezultat 1 me 0 nga pjesa e parë me golin e realizuar nga Cahill në minutën e 17. Pjesa e dytë do të niste mirë për Tottenham duke shënuar dy gola brenda 10 minutash me anë të Gallas dhe Defoe.

Por Chelsea nuk do të pajtohej me këtë rezultat duke shënuar edhe tre gola të tjerë me anë të dy golave të Mata dhe një i Sturridge në minutën e fundit, i cili vulosi rezultatin 4 me 2. Me 3-pikëshin e kësaj jave Chelsea arrin në kuotën e 22 pikëve. /albeu.com/