Trajneri i ri i Partizanit/ Franko Lerda merr ekipin kryeqytetas
Partizani ka vendosur t’i besojë sërish drejtimin teknik një italiani.

Demat e kuq që u shpallën kampionë të kategorisë Superiore para një muaji, kanë zyrtarizuar në pankinë italianin Franko Lerda që do udhëheqë kryeqytetasit në sezonin e ardhshëm. Prezantimi i italianit do bëhet javën e ardhshme.

Franko Lerda nënshkroi kontratë një vjeçare më kampionët në fuqi. Akordi i nënshkruar me trajnerin që vjen nga Apeninet është me të drejtë rinovimi. Italiani 51 vjeçar ka një karrierë të pasur si futbollist dhe si trajner.

Ai ka qenë një sulmues i cili ka luajtur me ekipe të njohura në Itali ku mund të përmendim: Breshia, Chievo, Cezena, Catania, Torino dhe Napoli.

Ai ka drejtuar edhe ekipe me emër në Itali siç janë: Sasuolo, Krotone, Leçe dhe Torinon. Skuadra e fundit e Lerdës ishte Viçenca, që e shkarkoi para 3 vjetësh dhe e riktheu në stol, deri në bindjen e teknikut për të provuar një aventurë shqiptare./tch/
Shtuar më 14/06/2019, ora 16:26
Shkruani komentin tuaj!
Të fundit nga kjo kategori