Van Dijk injoroi CR7, gazetari i njohur i kthehet keq holandezit


Virgiil Van Dijk ka përfunduar në shënjestër të gazetarit dhe moderatorit të njohur Piers Morgan. Deklarata e holandezit, që thumbonte Cristiano Ronaldon për mungesën në ceremoninë për "Topin e Artë" nuk është pëlqyer prej Morgan.

Ky i fundit ka reaguar përmes llogarisë së tij në "Twitter". "Jo, Cristiano Ronaldo është një lojtar shumë më i madh. Ju nuk jeni në ligën e tij", shkruan Morgan, me të cilin bien dakord me shumë mundësi të gjithë fansat e CR7, por kurrsesi sezoni i vjetshëm i Van Dijk nuk mund të hidhet poshtë.

ÇFARË THA VAN DIJK – Gjatë ceremonisë për 'Topin e Artë" një ditë më parë, mbrojtësi holandez u ngacmua për mungesën e Cristiano Ronaldos. Përgjigja e futbollistit të Liverpool ishte epike dhe bëri xhiron e internetit, në media të ndryshme dhe në rrjete sociale.

"Cristiano Ronaldo nuk do të jetë këtu sonte, kështu që tashmë është një rival më pak për të cilin duhet të shqetësoheni", i tha gazetari qendërmbrojtësit, i cili ia ktheu kështu: "A ishte vërtetë Cristiano Ronaldo një rival?!".
Shtuar më 03/12/2019, ora 08:44
Shkruani komentin tuaj!
Të fundit nga kjo kategori