Vidal edhe më larg Juves, ja 3 pistat e mundshme
Arturo Vidal vazhdon të jetë një çëshje e nxehtë te Juventusi. I grumbulluar me kombëtaren e Kilit, mesfushori 27-vjeçar vazhdon të shfaqë probleme fizike, që po e turbullojnë ambientin bardhezi. Pas fitores 3-0 të Kilit ndaj Perusë, trajneri Jorge Sampaoli deklaroi se Vidal ka probleme në gju, një situatë kjo e përsitur sa hërë që futbollisti grumbullohet me përfaqësuesen e tij.

Në fakt gjendja fizike e Vidal ka qenë objekt polemikash të ndryshme mes stafit të Juventusit dhe atij të Kilit, që nisën me vendimin e stafit teknik bardhezi për të kryer një ndëryrje kirurgjikale në gju vetëm në fund të sezonit, që u pasua me këmbënguljen e kilianëve për të përshpejtuar fazën e riaftësimit për shkak të Botërorit Brazil 2014.


Nëse Vidal kthehet sërish me dëmtime serioze nga kombëtarja, rritja e tensionit në klubin bardhezi do të ishte e pashmangshme. Real Madrid, Manchester United dhe Borussia Dortmund po monitorojnë me kujdes situatën, pasi dëshirojnë të sigurojnë shërbimet e futbollistit, që gjatë merkatos së verës është përfolur shumë për një largim të mundshëm nga "Juventus Stadium".

Në kushtet e krijuara edhe drejtuesit bardhezi nuk do të rezistonin më shumë, duke parë edhe rendimentin në rënie të kilianit. /albeu.com/
Shtuar më 12/10/2014, ora 13:21
Shkruani komentin tuaj!
Të fundit nga kjo kategori