Xavi Hernandez deklaroi se në fund të këtij sezoni do të varë këpucët në gozhdë, duke i dhënë fund karrierës si futbollist në moshën 39-vjeçare.

Sezonin e fundit mesfushori po e zhvillon në Katar me skuadrën e Doha dhe lajmëroi se pas këtij viti do t’i përkushtohet karrierës si trajner.

Nuk mund të mungonte një mesazh lamtumire nga partneri i tij më i mirë, Andres Iniesta.

"Shoku më i mirë. Ka qenë privilegj të rritem dhe të ndaja me ty të gjithë momentet më të mira në karrierë. Një profesionist shembullor. Faleminderit për gjithçka që i ke mësuar botës së futbollit. Fat të mbarë në këtë hap të ri, Xavi", shkroi Iniesta nga Japonia, për shokun e tij më të mirë, që arritën të fitojnë gjithçka krah njëri-tjetrit dhe i dhuruan magji botës me lojën e tyre.