Ylli i Liverpool: Nuk shqetësohem për çmimet individuale
Ylli i Liverpool, Trent Alexander-Arnold është shprehur se nuk shqetësohet për çmimet individuale teksa falenderoi legjendën braziliane Cafu i cili tha se Arnoldi mund ta fitojë edhe Topin e Artë nëse vazhdon me formën e tij të mirë.

21-vjeçari Trent Alexander Arnold e ka luajtur një rol kyç në sezonin dominues të Liverpoolit deri më tani, duke bërë kështu që Cafu të sugjerojë se mbrojtësi i krahut të djathtë mund ta fitojë Topin e Artë.

Pasi sezonin e kaluar Liverpooli e fitoi titullin e Ligës së Kampionëve për herë të gjashtë në histori, Alexander-Arnold i ka ndihmuar Liverpoolit në rrugën drejt titujve tjerë me dy golat dhe 12 asistet e tij në 35 ndeshjet e këtij sezoni.

Duke folur para ndeshjes së 1/8 të finales së Ligës së Kampionëve kundër Atletico Madridit, Arnoldi e falënderoi Cafun, mirëpo shtoi se ai nuk përqendrohet te çmimet individuale.

"Natyrisht që është lëvdatë e madhe nga një legjendë e këtij sporti. Jam shumë falënderues për këtë gjë natyrisht se duhet ta falënderoj atë për ato fjalë të mira", ka thënë Arnold në një konferencë për shtyp.

"Unë tentoj të jem lojtari më i mirë që mund të jem. Mendoj se ky është sport skuadre, kështu që ka të bëjë me lojtarët që i kam përreth. Lojtarët me të cilët stërvitem, trajneri dhe të gjithë ata që më përkrahin ma kanë mundësuar të jem sa më i mirë që të mundem".

"Çmimet e atilla mund të vijnë ose mund të mos vijnë në të ardhmen, por ato s’më shqetësojnë mua aq shumë sa ndoshta disa lojtarë të tjerë".
Shtuar më 18/02/2020, ora 15:32
Shkruani komentin tuaj!
Të fundit nga kjo kategori