Zbulohen prapaskenat, Lampard u përplas verbalisht me Alonson në dhomat e zhveshjes
Pësimi i tre golave ndaj West Bromwich Albion në 45 minutat e para, nuk i ka pëlqyer aspak trajnerit të Chelseat, Frank Lampard.

Ky i fundit u përplas verbalisht në dhomat e zhveshjes me Marcos Alonson, një nga fajtorët që Blutë pësuan tre gola nga një ekip i sapopromovuar në Premierligë.

Burime brenda klubit kanë thënë për The Athletic se mbrojtësi spanjoll u largua nga dhomat e zhveshjes dhe shkoi drejt autobusit të skuadrës, duke mos e ndjekur pjesën e dytë në stadium, pasi u zëvendësua nga Azpilicueta.

Ndër të tjera raportohet që lojtarët e tjerë të Chelseat kishin mbetur të habitur për faktin se asnjëherë nuk e kishin parë në gjendje të tillë trajnerin e tyre.

Në fund, Chelsea ia doli të barazonte rezultatin në 3:3, megjithatë pjesa e parë la shije të hidhur.
Shtuar më 28/09/2020, ora 19:03
Shkruani komentin tuaj!
Të fundit nga kjo kategori