Menaxherët e xhamajkanit Usain Bolt kanë deklaruar se i është ofruar një kontratë profesioniste nga skuadra e Central Coast Mariners në Australi. Ish-ylli i atletikës ka qenë duke u stërvitur me këtë skuadër që në gusht të këtij viti ku ka shënuar edhe dy gola në ndeshjet miqësore.

Bolt kishte marrë ofertë edhe nga skuadra kampione e Maltës, Valetta. Të dielën menaxherët e Bolt janë lajmëruar nga drejtori i skuadrës australiane se janë të gatshëm të pranojnë që Bolt të vijojë karrierën te kjo skuadër. Kujtojmë që refuzimi i Valettës erdhi pasi Bolt priste përgjigje nga skuadra australiane. /albeu.com/