Zidane: Benzema po kalon sezonin më të mirë në Madrid, djalin e tim e futa për këtë arsye
Zinedin Zidan habiti shumë vetë, teksa la në stol Keilor Navas në përballjen ndaj Hueskës. "Gardiani" i "Los Blancos" për atë takim ishte djali i francezit, Luka Zidan, i cili debutoi me një fitore në La Liga.

Reali pësoi dy gola në atë takim, por asnjë prej tyre nuk ishte për faj të 21-vjeçarit, ndërsa në fund të 90 minutave madrilenët festuan, kjo falë një paraqitje fenomenale të Karim Benzema.

LUCA ZIDAN – "Jam shumë i gëzuar për të dhe për faktin që debutoi me fitore në "Bernabeu". Gjithsesi, Luka është portieri i tretë. Tibo nuk ndihet mirë, ndërsa mendova t’i jepja Navasit pak pushim, prandaj i dhashë një shans Lucës. Doli mirë".

BENZEMA – "Benzema ka qenë pjesë e Realit për 10 vite dhe po bën shumë mirë. Ndoshta ky është sezoni i tij më i mirë dhe jemi të gëzuar për formën që po kalon ai. Gjithmonë do të mbështetem tek ai. Kemi dhe nëntë ndeshje të mbetura, kjo është gjëja më e rëndësishme për ne, duhet ta mbyllim në një mënyrë të mirë sezonin. Atëherë do të shikojmë çdo të ndodhë, por Karim është pjesë e këtij klubi dhe kjo s’do të ndryshojë". /albeu.com/

Shtuar më 01/04/2019, ora 23:34
Shkruani komentin tuaj!
Të fundit nga kjo kategori