Pasi u la jashtë skuadrës së Real Madridit për ndeshjen e së martës kundër PSG-së, e ardhmja e Vinicius Jr është e pasigurt. Zinedine Zidane është duke shtyrë që Vinicius të huazohet qysh në janar.

Trajneri i Real Madridin, Zinedine Zidane, nuk i ka lënë Viniciusit tjetër mundësi përveç se transferimit në formë huazimi te ndonjë klub në janar për të luajtur më shumë minuta, pasi që është lënë jashtë skuadrës për herë të katërt në shtatë ndeshje.

Pasi mbeti edhe jashtë skuadrës së “Los Blancos” për ndeshjen kundër Paris Saint-Germainit në Ligën e Kampionëve, Viniciusi e përjeton për herë të parë këtë sezon të qenët jashtë skuadrës për dy ndeshje radhazi.

Me kalimin e kohës këtë sezon, anësori 19-vjeçar ka kaluar nga një lojtar kyç në skuadër në një lojtar rezervë. Ai luajti një rol më të madh në shtatë nga nëntë ndeshjet e para të sezonit, duke qenë titullar në tri prej tyre, para se të mbetej jashtë skuadrës për ndeshjen e 5 tetorit kundër Granadas.

Ai ishte titullar për herë të fundit në javën pas ndeshjes kundër Grandas, në disfatën zhgënjyese në Mallorca, dhe që nga atëherë ai ka luajtur vetëm 56 minuta, vetëm 8.8 për qind të të gjithë kohës në dispozicion për lojtarët e Man Unitedit.

Vinicius nuk e ka bindur Zidanen

Trajneri francez u kthye në klub gjatë kohës kur i riu brazilian u lëndua. Por, pasi u kthye në formë në mes të prillit, Vinicius luajti gjithsej 130 minuta për Zidanen në fund të sezonit. Minutat e tij të paktë i kushtuan me një vend në skuadrën e Brazilit për Kupën e Amerikës.