Manchester United ka nënshkruar me mesfushorin e Athletic Bilbaos Ander Herrera. Klubi e ka zyrtarizuar lajmin në faqen e saj në internet.

Herrera ishte kërkuar edhe më herët nga Unitedi, por nuk u arrit marrëveshja.

Ander është shprehur se ndihet shumë i lumtur për transferimin e tij tek "djajtë", dhe se i është realizuar ëndrra e tij.

"Nënshkrimi për Unitedin është një ëndërr e kthyer në realitet. Kam luajtur në "Old Trafford", kur luaja për Atheticon në UEFA Europa League, dhe ka qenë arritja më e madhe për mua. Jam bashkuar me Unitedin për të bërë të mundur arritjen e objektivave", U shpreh 24-vjeçari.

Gjithashtu ai falenderon edhe fansat e klubit spanjoll për mbështetjen.

"Dua të përshëndes fansat dhe stafin e Bilbaos për mbështetjen. Ju uroj atyre më të mirat në të ardhmen", përfundoi spanjolli. /albeu.com/