ZYRTARE/ Babel rikthehet te Ajax-i
Sulmuesi veteran holandez, Ryan Babel, është zyrtarizuar si lojtari më i ri i kampionëve të Euredivisie, Ajaxit. 33 vjeçari i është bashkuar Ajaxit në formë huazimi 6-mujor, nga skuadra e Galatasaray. Në Turqi, Babel nuk ishte më lojtar i rëndësishëm dhe zgjodhi të rikthehet në vendlindje, por kalimi tek Ajax ishte befasues.

Kjo për faktin se të besuarit e Ten Haag kanë alternativa të shumta në sulm dhe afrimi i Babel është konsideruar i tepruar nga analistët sportivë në Holandë. MEgjithatë, sulmuesit duket se nuk i intereson aspak kjo gjë dhe ka vendosur të firmosë.

Veterani holandez u aktivizua në 15 sfida për Galatasarayn gjatë këtij sezoni, duke shënuar 5 gola. 33 vjeçari është gjithsesi një vlerë e shtuar për Ajaxin, që tashmë do të marrë pjesë në Europa League pas eliminimit nga faza e grupeve në Champions League.
Shtuar më 11/01/2020, ora 21:10
Shkruani komentin tuaj!
Të fundit nga kjo kategori