Zyrtare/ Milan transferon Deulofeun
Milani ka konfirmuar zyrtarisht nënshkrimin me huazim të anësorit spanjoll, Gerard Deulofeu nga Everton.

Drejtori i Rossonerëve, Adriano Galliani ka konfirmuar mbrëmë se një ofertë përfundimtare ishte paraqitur, me formulën e një huazimi me opsionin për të blerë atë përfundimisht.

Mendohet se marrëveshja e propozuar ishte një huazim prej gjysmë milioni eurosh me opsion për të blerë përfundimisht atë në verë për një prej 18 milionë euro, përcjell Telegrafi.

Megjithatë, tani duket se Milani nuk do të ketë mundësinë për të blerë, pasi klubi njoftoi në faqen e saj në ‘Twitter’ se është vetëm një huazim i thjesht që është rënë dakord deri në fund të sezonit.
Sky raporton se tarifa është më e lartë se sa mendohej më parë, në mes të 650,000 dhe 700,000 mijë euro, dhe se nuk ka opsion blerje.

Fillimisht skuadra angleze kishte kërkuar një detyrim blerje, por Milani nuk mund të angazhohen për të për shkak të ndërrimit të pronësisë gjatë këtij vitit. /Albeu.com/
Shtuar më 20/01/2017, ora 22:27
Shkruani komentin tuaj!
Të fundit nga kjo kategori