Sapo kanë përfunduar 5 prej 6 takimeve të javës së gjashtë të Kategorisë Superiore. Ndeshjet e luajtura në mesjavë për shkak të ndeshjes së Kombëtares kuqezi përballë Zvicrës më 11 Tetor kanë dhuruar disa rezultate interesante.

Partizani është rikthyer te fitorja duke mposhtur minimalisht 0-1 Kukësin në Krujë, ndërsa Tirana merr frymë pas fitores 1-0 në kryeqytet përballë Kastriotit, që e mbylli ndeshjen me 10 lojtarë.

Teuta kryesuese nuk ka shkuar më shumë se një barazim 1-1 në Lushnje por sërish e ruan kreun e rënditjes edhe pas kësaj jave, ndërsa Flamurtari-Bylis ka qënë ndeshja më e tensionuar e kësaj jave. Ballshiotët e kanë mbyllur ndeshjen me 9 lojtarë pas dy kartonave të kuq, ndërsa vlonjatët kanë mundur të barazojnë vetëm në minutat e fundit.

Me këto rezultate Teuta është në krye me 12 pikë, e ndjekur nga Partizani me 11 pikë dhe më pas vijnë Lushnja, Bylis dhe Flamurtari me nga 8 pikë.

Java e gjashtë mbyllet nesër me kryendeshjen Vllaznia-Skënderbeu. /albeu.com/

REZULTATET

KUKESI-PARTIZANI 0-1
Golat: Thana 77′

LUSHNJA-TEUTA 1-1
Golat: Korreshi 21′ / D.Xhafaj 55′

TIRANA-KASTRIOTI 1-0
Golat: Semedo 7′

FLAMURTARI-BYLIS 2-2

Golat: Qejvani 29′, Beqiri 88′ / Gerxho 24′, 53′ (pen)

LAÇI-BESA 1-0
Golat: Vucaj 23′