Goli 3-pikësh i Gjergji Muzakës, në sfidën e djeshme mes Skënderbeut dhe Flamurtarit, ngriti në peshë tifozërinë korçare, por një incident bëri që festa të ndalej në mes.

Vëllai i futbollistit të Skënderbeut, Tefik Osmani, Sokoli u rrëzua nga tribuna dhe ra pas pankinës korçare, duke bërë që të dërgohej me urgjencë në spital.

Aktualisht raportohet se gjendja e tij është e stabilizuar dhe nën kontrollin e mjekëve, ndërsa paraditen e sotme, Sokoli është transportuar me helikopter drejt Tiranës, ku po merr një trajtim më të specializuar.

Kujtojmë që Tefik Osmani ishte titullar në takimin e djeshëm dhe menjëherë pas incidentit, u zëvendësua nga trajneri Daja, për të shkuar pranë të vëllait, në urgjencën e Korçës./albeu.com/