9 javë pezullim, Federata "kryqëzon" Terim (VIDEO)

Një ndëshkim shumë i rëndë është dhënë për trajnerin e Galatasaray, Fatih Terim, me plot 9 javë pezullim sa i përket kampionatit turk, për shkak të ofendimeve të lëshuara ndaj arbitrit të ndeshjes me Mersin, të fituar 3-1 me përmbysje nga Galatasaray.

Një lajm i rëndë ky, që shokon ekipin kryesues në Superligën turke, teksa trajneri më i suksesshëm i Turqisë do të mungojë për 6 javët e mbetura në këtë sezon, si dhe 3 të parat e sezonit të ardhshëm.

Ndërsa dy ndihmësit, të cilët u ndëshkuan me kartonë të kuq gjatë ndeshjes, janë skualifikuar me 2 dhe 1 javë secili.

Një javë e errët kjo për Terim, pasi në mesjavë u eliminuan edhe nga Champions League, pavarësisht fitores 3-2 me Real Madrid në Stamboll, në çerekfinalen e kthimit. /albeu.com/
Shtuar më 12/04/2013, ora 09:46
Shkruani komentin tuaj!
Të fundit nga kjo kategori