Sikur të mos mjaftonin polemikat e ditëve të fundit për sjelljen e Mario Balotellit në Firence, një tjetër gjest provokues mbërthen bomberin italian pikërisht në transfertën e "Artemio Francchit". Në përfundim të nxemjes përpara startit të takimit, lojtari shtiret sikur do të gjuajë me top trajnerin e Fiorentinës, Vincenzo Montella.

Pamjet e filmuara nga një kamer jo zyrtare e takimit, tregojnë momentin e këtij gjesti ku tekniku i skuadrës toskane e shikon gjestin duke e shoqëruar hyrjen e Balotellit në tunel me një buzëqeshje.

Sulmuesi i Milanit është dënuar me tre ndeshje pezullim për shkak të frazave ofenduese ndaj arbitrit të portës. /albeu.com/