Manchester United është ndalur në një barazim 1-1 në fushën e Swansea City në javën e 18 të Premier League-s. Skuadrës së Sir Alex Ferguson nuk i mjaftoi goli i munutës së 15 shënuar nga Patrick Evra duke humbur një mundësi të mirë shkëputjeje nga ndjekësit më të afërt pasi reagimi i vendasve ishte shumë i shpejtë duke arritur të barazojnë shifrat në minutën e 29 me anë të kryegolashënuesit Michu.

Pavarësisht përpjekjeve në pjesën e dytë “Djajtë e Kuq” nuk mundën të gjejnë dot golin e avantazhit kjo falë mbrojtjes shumë të mirë të vendasve.

Me këtë barazim Manchester United shkon në kuotën e 43 pikëve, 4 më shumë se Manchester City i vendit të dytë, ndërsa Swansea në kuotën e 24 pikëve në vend të 11. /albeu.com/