Barcelona është tallur me Celta Vigon në ndeshjen që u zhvillua në “Camp Nou”, duke e mposhtur 5-0, për t’u kualifikuar në çerekfinale të Copa del Rey.

Katër gola u shënuan që në pjesën e parë, ku shkëlqeu Lionel Messi me dy gola të shënuar brenda dy minutave.

Argjentinasi realizoi në minutat 13’-të dhe 15’-të, Jordi Alba 18’-të dhe Luis Suarez 31’-të, kurse për të dërguar shifrat në 5-0 në këtë ndeshje dhe 6:1 të përgjithshëm nga dyja sfidat, realizoi Ivan Rakitic në minutën e 87’të.

Pas kësaj fitore të madhe Barcelona kualifikohet për në çerek-finale të Copa del Rey.

Shorti për çerekfinale të Kupës së Mbretit do të hidhet të premten nga ora 12:30.