Policia po heton për një hajdut që ka hyrë në shtëpinë e futbollistit Cristiano Ronaldo në Madeira.

Mediat e huaja raportojnë se hajduti ka hyrë në banesën e tij nëpërmjet derës së garazhit ndërkohë që futbollisti nuk ishte në shtëpi.

Një i afërm i Ronaldos ngriti alarmin mëngjesin e së mërkurës, kur Ronaldo kishte një ndeshje kundër Spanjës.

Media lokale Diario de Noticias Madeira njofton se hajduti shfrytëzoi mundësinë për të hyrë përmes garazhit, dera e të cilit u hap nga një punonjës i mirëmbajtjes.

Një bluze e Juventusit e firmosur, me vlerë 180 paund thuhet se është pjesë e gjërave të marra së bashku me të tjera.

Policia ka identifikuar hajdutin nëpërmjet kamerave, por ende nuk është bërë asnjë arrest.