Chelsea është ndalur në një barazim pa gola nga Evertoni në "Stamford Bridge".

Të kaltrit dështuan ta gjenin rrjetën e portës së vizitorëve nga Liverpooli, përkundër rasteve të pareshtura gjatë gjithë ndeshjes.

Chelsea kontrolloi dhe dominoi ndeshjen me 68% mbajtje të topit, derisa pati 14 goditje në drejtim të portës së Evertonit, krahasuar me miqtë që patën vetëm 6 goditje në drejtim të portës kundërshtare.

Ndërsa, katër goditje në kornizën e Jordan Pickford ishin përpjekje të pasuksesshëm të lojtarëve të Chelseat për ta mposhtur atë.

Pas këtij barazimi Chelsea ka 28 pikë në vendin e tretë, dy më pak se Liverpooli në vendin e parë dhe një më shumë se Tottenhami në vendin e katërt.