Napoli nuk shkon më shumë se barazimi në Holandë (VIDEO)
Napoli nuk ka shkuar më larg se një barazim 1-1 në fushën e AZ Alkmaar, në javën e pestë të Grupit F të Europa League.

Gjithçka ka nisur mirë për italianët, me Dries Mertens që ka zhbllokuar takimin pas vetëm gjashtë minutash.

Reagimi i vendasve ka ardhur në minutën e 54-t me një gol me thembër të Martis Ind-it.

Holandezët kanë patur një mundësi të artë për ta përmbysur ndeshjen katër minuta më vonë pas penalltisë së akorduar nga arbitri francez Buquet.

Te pika e bardhë është paraqitur Koopmeiners, por gjuajtja e tij është ndalur nga një pritje e mrekullueshme e Ospina-s.

Napoli mbetet në vendin e parë me 10 pikë, i ndjekur nga Sociedad dhe Alkmaar me nga 8 pikë. Grupi mbyllet nga Rijeka me 1 pikë.
Shtuar më 03/12/2020, ora 22:58
Shkruani komentin tuaj!
Të fundit nga kjo kategori