Real Madrid mposht lehtësisht Celta Vigon (VIDEO)
Real Madrid ka marrë një fitore të lehtë sonte në transfertë ndaj Celta Vigos me rezultatin 2-4 në stadiumin "Balaidos".

Karim Benzema e hapi serinë e golave për mysafirët në minutën e 23-të, rezultat me të cilin skuadra shkuan në pushim.

Madridi e dyfishoi epërsinë dhjetë minuta brenda pjesës së dytë, kur Cabral shënoi në portën e vet.

Megjithatë, Mallo i ktheu në lojë vendasit kur akrepat shënonin një orë lojë.

Përpjekjeve të vendasve për t’u kthyer në lojë u dha fund kapiteni Serigo Ramos, i cili realizoi nga penalltia për 3-1 për Madridin.

Dani Ceballos bëri gol në minutën e 90-të, para se Mendez të shënonte golin e dytë për Vigon katër minuta më vonë.

Real Madridi mbetet në vendin e gjashtë me 20 pikë, katër më pak se liderja Barcelona. Ndërsa, Celta Vigo renditet e 14-ta me 14 pikë.
Shtuar më 11/11/2018, ora 22:45
Shkruani komentin tuaj!
Të fundit nga kjo kategori