VAR i heq fitoren Romës, ndalet në barazim edhe Lazio (VIDEO)





Roma dhe Lazio nuk kanë mundur të marrin më shumë se një pikë në xhiron e shtatë në Serie A, duke barazuar 1-1 me Cagliarin, respektivisht 2-2 me Bologna.

Roma ka dështuar që të marrë më shumë se një pikë në shtëpi, duke barazuar 1-1 me Cagliarin.

Në fakt, vendasit ishin afër tri pikëve pasi Nikola Kalinic shënoi në minutat shtesë për 2-1, por gjyqtari anuloi atë pas konsultimeve me VAR, me pretendimin se sulmuesi ka shtyrë kundërshtarin në momentin e shënimit të golit.

Ky është barazimi i tretë për Romën këtë edicion dhe gjendet në pozitën e pestë me 12 pikë.

Edhe skuadra tjetër nga Roma, Lazio ka gabuar në xhiron e shtatë, duke barazuar 2-2 me Bolognan.

Në këtë ndeshje u shpërndanë dy kartonë të kuq, një për Medelin e Bolognas dhe një tjetër për Lucas Leivan e Lazios.

Kujtojmë se mesfushori i Kosovës, Valon Berisha, qëndroi në stol për 90 minuta, derisa portieri i Shqipërisë, Thomas Strakosha, luajti nga fillimi
Shtuar më 06/10/2019, ora 17:35
Shkruani komentin tuaj!
Të fundit nga kjo kategori