Zyrtare: Egzon Binaku largohet nga Malmo, firmos për Norrkoping (VIDEO)


Egzon Binaku ndërron zyrtarisht skuadër, duke kaluar nga Malmo te Norrkoping.

Mbrojtësi i majtë që luan për Kombëtares Shqiptare ka lënë Malmon, klub ku e kishte humbur vendin e startuesit në muajt e fundit, duke u transferuar te Norrkoping.

Transferimi befasues i Binakut është bërë zyrtar nga klubi i Norrkoping me një postim në rrjetet sociale.

Binaku ka folur pas transferimit duke thënë se te Malmo nuk kishte hapësira.

"Kohët e fundit nuk kam qenë në planet e trajnerit, ndaj zgjodha një sfidë të re".

"Edhe pse nuk ka shkuar ashtu siç e kisha menduar, jam i lumtur për kohën që kam kaluar te Malmo. Kishte momente shumë bukura, unë dua t’i falënderoj të gjithë", ka deklaruar mbrojtësi.

Binaku është një zbulim i ish-trajnerit Christian Panucci në kombëtaren shqiptare.
Shtuar më 29/03/2019, ora 17:45
Shkruani komentin tuaj!
Të fundit nga kjo kategori